A Fundación Montecelo presta apoio a entidades sen fins lucrativos, como as asociacións xuvenís e culturais, coas que asina convenios de colaboración para a realización conxunta de actividades. Entre outras modalidades, a Fundación:
- patrocina xornadas de estudios, seminarios, congresos, cursos de carácter formativo,
- concede axudas para o mantemento das sedes sociais e para a mellora do equipamento,
- outorga bolsas para facilitar ás familias con menos recursos, en especial as numerosas, o acceso aos programas formativos organizados polas entidades,
- promove cursos de formación para os directivos, formadores e monitores das entidades,
- cede os dereitos para o uso do leader100PROGRAM, para a súa aplicación,
- presta asesoramento gratuíto ás entidades en cuestións fiscais, legais, contables e económicas,
- facilita a organización de busca de recursos económicos mediante promocións económicas.
A Fundación carece dun patrimonio financeiro que lle produza rendas coas que financiar os proxectos. Por isto, a concesión das axudas, así como a súa contía, será acordada discrecionalmente pola Fundación e quedará condicionada á existencia de crédito específico con esta finalidade.